工作需要,每朝都要聽一聽電台節目。
今朝聽《千禧年代》,其中一部份講中大學生報 (同《大學線》唔同的) 風月版既問題。
有聽眾話,大學生讀左咁多年書,應該識孔子既教誨,所以唔應該講「咁既野」。
又有聽眾話,家長 (同納稅人) 比咁多錢學生讀書,好心佢地比d心機,要認識「呢d野」出左社會先學唔遲。(好在我唔係讀PhD...)
另一個聽眾補充,雖然大學生同社會人士年紀上差唔多,但係判斷力不可同日而語,所以唔應該講呢d野。
所以呢,真係唔好話香港社會風氣敗壞 - 定係誨淫誨盜既人唔會聽港台?嗯。
有一點幾有趣既,好幾個聽眾同主持都有提出,就係如果佢做得「社會」一d,加上一d 學術討論,就冇問題喎。有一個聽眾話,如果加一d 導論,批評一下「唔好」既行為,就可以接受。如果我係大學報既編輯,一定會係下期出一篇扮成論文既咸故。(例如,在嫖妓報告之間穿插關於中國現代化、農村-城市關係、性商品化、文化大革命對女性角色的影響,並指妓女的身體是以上論題爭鬥的場所)
N.B. 我未睇份情色版既內容,不過聽落同FHM之流差不多者......
沒有留言:
發佈留言